J’abitùdinn

Am són abituà a campàr
miśurànd i scalìñ;
zèrt vìvar l’è n’àltar quèl:
l’è córar
cantàr
innamuràras
fàr l’amór,
peñsàr che dmàñ
al sarà sól n’àltar dì…
l’autùñ al gh’à ill fój ach càsca
ma l’è bèl con tant culùr.

A s’abìtua a tut,
a guardàr ch’j’àltar ch’i sàlta
quéi ch’i’ñ bàda al colesterolo,
quéi che la not i la scùrta
ó i la slùñga cóm ch’i vòl.

A s’abìtua ach a l’autùñ
quand al pèrd i culùr int la nebia
e int al źiél d’l’invèran,
pó al bur d’la nòt
l’è n’esercizî par quand al scur
par quant sól ch’agh sié
añ sa sćiarirà più.

Le abitudini
Mi sono abituato a vivere/ misurando i gradini;/ certo vivere è un’altra cosa:/ correre/ cantare/ innamorarsi/ fare l’amore,/ pensare che domani/ sarà solo un altro giorno…/ l’autunno ha le foglie che cadono/ ma è bello e pieno di colori.// Ci si abitua a tutto,/ a guardare gli altri che saltano/ che non hanno il colesterolo alto,/ quelli che accorciano la notte/ o la allungano a piacere.// Ci si abitua anche all’autunno/ quando perde i colori nella nebbia/ e nel gelo dell’inverno,/ poi il nero della notte/ è un esercizio per quando il buio/ per quanto sole ci sia/ non si schiarirà più.